كلمات قائد الجيش الالهي مكتوبه حيدر البياتي الشاعر مصطفى العيساوي
صوت مكتوب
تعليق
كلمات قائد الجيش الإلهي
الرادود حيدر البياتي
كلمات الشاعر مصطفى العيساوي
- حسينية ام الحسن | العراق - البصرة - الفاو
- شهر محرم :: 2023-1444
- ~~~~~~~~~
- قصيدة : قائد الجيش الالهي مكتوبة
- الرادود : حيدر البياتي
- كلمات : مصطفى العيساوي
- ~~~~~~~~~
- كتابة القصيدة : موقع صوت مكتوب
- تصوير : مجموعة ميامين للانتاج الفني
- مونتاج : محمد كاظم مجيد
~~~~~
عباس قائد الجيش الالهي
عباس مالفت غيره انتباهي
حيدر من حيدر
عالقاده اتصدر
واحد بس عسكر
قائد الجيش الالهي
~~~~~
سبحانه السواه
بكل موقف نلكاه
صاح الطف الله
عينك احله من السيف
ياجنه من احساس
سولفتك للناس
جنني العباس
واقع اجمل من طيف
ضوه للضلام هوه للخيام
خلص الكلام يم الكمر
كمر بسماه نزل بضماه
صاح الفرات انت النهر
هوه الثبات هوه الحياة
هوه القضاء هو القدر
بيده بيده
ياناس ماكو انسان ابجماله
ياناس الجنه غارت من خياله
روحي العاشكته
تحجي بسالفته
بالطف مرتبته
قائد الجيش الالهي
~~~~~
المستهل
~~~~~
يا عين الزهراء
اسمك سر الماء
عين ولام وياء
حرزك جان بعاشور
يا ابن القران
ياخاتم سليمان
يالجودك طوفان
وانفاسك نفخة صور
قمر الطفوف والكل يشوف
عدد الالوف يمك صفر
شهم وشجاع امرك مطاع
قلمك حسام دمهم حبر
هله بالكفيل هله بالاصيل
هله باليكول كعبه الخدر
عندي عندي
انفاس انته للخوه الاصيله
انفاس للمخيم والعقيله
ماتعطش روحه
غيمه وشيلوحه
كاتب اطروحه
قائد الجيش الالهي
~~~~~
المستهل
~~~~~
خطوات قانون
بكل خطوه يقلون
من تحجي يسكتون
هيبه وغير انت الشيخ
ياجنه ويا نار
خزراتك إنذار
عينك من تندار
يرجف حتى التاريخ
بطل النزال اسد القتال
عندك محال تخسر حرب
رجف الفرات حس بالممات
يدري الاجاه فارس صعب
ملك الطفوف ملك السيوف
ملك الرجال ما ينغلب
سيفك سيفك
ينقاس سيفك بفقار ابو تراب
ينقاس جفك بجف قالع الباب
عن سيفك راضي
بحاضر وبماضي
مرتبتك قاضي
قائد الجيش الالهي
~~~~~
المستهل
~~~~~
يا بيرغ ما طاح
قابض للأرواح
ملك الموت ارتاح
ماخذ دوره العباس
موت احمر يمناك
والكوثر يسراك
يمشي الخير وياك
من تمشي بين الناس
نفس الحسين ابو ريشتين
اسمك جبير يا ابالفضل
جان اللواء في كربلاء
بلغة الخيام همزة وصل
علي من يصول علي من يجول
علي من يكول كول وفعل
حيدر حيدر
عالراس رايتك تمشي اويه ريحك
عالراس خوذتك كبه ضريحك
يالمنطي حجايه
مخلوق الغايه
كاتب عالرايه
قائد الجيش الإلهي
~~~~~
المستهل
~~~~~
ضل عايش ما مات
والرايد إثبات
يكضيها الحاجات
لو دك بابك محتاج
يالتنطي بجفين
منطيهن لحسين
شفناهن بالعين
ملبس خدامك تاج
اليجي للضريح يمك يصيح
عندك دخيل يابو الوفه
يمك اجيت وبيك انتختيت
وادري اليجيك بيك اكتفه
انته القريب انته الحبيب
انته الطبيب انته الشفه
ابو فاضل ابو فاضل
ينباس جفك وجف اليزورك
ينباس ترابك البي اثر نورك
شفتك وجداني
فارس رباني
من عالم ثاني
قائد الجيش الالهي
~~~~~
المستهل
~~~~~
